«Baku Build 2014»


Baku Build 2014GLASS HOUSE şirkəti Azərbaycan Beynəlxalq İnşaat sərgisinin iştirakçısı oldu. 22-25 oktyabr 2014-cü il tarixində Bakı Ekspo Mərkəzində “BakuBuild 2014” 20-ci Yubiley Azərbaycan Beynəlxalq İnşaat sərgisi keçirilmişdir. Dünyanın 29 ölkəsindən 490 şirkətin iştirakçısı olduğu Beynəlxalq İnşaat sərgisinə bu sahədə çalışan mütəxəssislər, rəhbər şəxslər, yerli və xarici qonağlar xüsusi maraq göstərmişdir. Azərbaycan Respublikası İqtisadiyyat və Sənaye naziri cənab Şahin Mustafayev, həmçinin, Dövlət Şəhərsalma və Arxitektura Komitəsinin rəhbər şəxsləri də sərgidə iştirak etmiş, sərgidə iştirak edən yerli və xarici şirkətlərin stendlərini ziyarət etmişlər. Sərginin iştirakçısı olan Glass House şirkəti öz məhsulları ilə çoxsaylı ziyarətçilərin diqqətini cəlb etmişdir. Şüşə emalı sahəsində fəaliyyət göstərən şirkətin məhsulları: təhlükəsiz şüşələr, gülləkeçirməz şüşələr, enerjiqoruyucu , günəş şüalarını əks etdirən şüşə paketlər, həmçinin , dekorativ, vitraj şüşələr sərgidə nümayiş etdirildi. Sərgini ziyarət edən Azərbaycan Respublikası İqtisadiyyat və Sənaye naziri cənab Şahin Mustafayev Glass House şirkətinin stendini də ziyarət etmiş, fəaliyyət sahəsi ilə yaxından tanış olmuşdur. Glass House şirkəti, həmçinin, sərginin daimi iştirakçısı olduğu üçün “Baku Build 2014” sərgisinin təşkilatçıları tərəfindən xüsusi sertifikat ilə təltif olundu.