Şüşələr

Temperli şüşələr
Temperli şüşələr

Temperli şüşələrin üstünlükləri;

- Zərbəyə davamlılığı adi şüşədən 5 – 6 dəfə, əyilməyə davamlılığı isə 2 – 3 dəfə çox olur.

- Temperatur dəyişikliyinə dayanıqlığı –150 °C-dən +300 °C-yə qədər

- Sındıqda kənarları küt olan təhlükəsiz xırda parçalara bölünür.

- Titrəmə hallarına yüksək dayanıqlılığa malikdir.

 

Temper şüşələrin istifadə sahələri;

- Fasadların şüşələnməsində: şüşəli göydələnlər, pəncərələr, cambalkonlar, vitrinlər, damörtükləri (skylight) və s.

- İnteryer: arakəsmələr, məhəccər, pilləkən, duş kabin və s.

- Mebel

- Nəqliyyat.

Laminasiya şüşələr
Laminasiya şüşələr

Laminasiya prosesində istifadə olunan şüşələr:

- Şəffaf

- Rəngli

- Günəşqoruyucu

- LOW-E (aşağı emisiyalı)

- Temperli

- Çoxfunksiyalı

 

PVB növləri:

- Şəffaf

- Rəngli

- Mat

- Akustik


Gülləkeçirməz şüşələr
Gülləkeçirməz şüşələr

Gülləkeçirməz şüşə (bəzən "ballistik şüşə" və ya "zirehli şüşə" də adlanır) adi şüşədən fərqli olaraq, odlu silahlardan atılan güllələrin enerjisini effektiv şəkildə udmaq və ya dağıtmaq üçün hazırlanmış, optik cəhətdən şəffaf, lakin yüksək müqavimətə malik şüşədir.

 

Güllə keçirməz şüşənin qalınlığı onun mühafizə etdiyi təhlükə səviyyəsinə və tətbiq edilən silah növünə görə dəyişir.

 

İstifadə sahələri:

-Avtomobillər: Hərbi, diplomatik və ya xüsusi təyinatlı zirehli avtomobillərin pəncərələri.

-Banklar və Maliyyə Qurumları: Kassa otaqları və müştəri xidməti pəncərələri.

-Hökumət və Hərbi Obyektlər: Səfirliklər, konsulluqlar, nəzarət məntəqələri və hərbi bazalar.

-Zərgərlik və Bahalı Məhsullar Mağazaları: Soyğunçuluqdan qorunmaq üçün vitrinlər.

-Təhlükəsizlik Kabinələri: Mühafizəçilər üçün nəzərdə tutulmuş otaqlar.

 

QEYD

Güllə keçirməz şüşə tamamilə keçilməz material demək deyil. Onun müqaviməti xüsusi ballistik standartlarla müəyyən edilir. Bu standartlar şüşənin hansı növ silaha və neçə güllə atəşinə tab gətirəcəyini göstərir. Yəni, şüşə yalnız sertifikatlaşdırıldığı təhlükə səviyyəsinə qarşı qorunma təmin edir.   

 

Çoxfunksiyalı şüşə paketlər
Çoxfunksiyalı şüşə paketlər

Çoxfunksiyalı şüşə paketlər, müasir arxitekturada ən çox istifadə edilən və adi şüşə paketlərindən fərqli olaraq bir neçə əsas üstünlüyü özündə cəmləşdirən şüşə sistemidir. Bu paketlər həm qışda istiliyi qorumaq (enerjiyəqənaət), həm də yayda günəş istiliyinin içəri daxil olmasının qarşısını almaq (günəşdən mühafizə) məqsədi daşıyır.

 

Əsas xüsusiyyətləri:

Çoxfunksiyalı şüşə paketlər adətən aşağıdakı xüsusiyyətləri özündə birləşdirən xüsusi örtüklü (üzləməli) şüşələrdən hazırlanır:

 

1. İstilik qoruyucu (enerjiyə qənaət)

Low-E (aşağı emissiyalı) örtük: Şüşənin daxili səthinə (şüşə paketin boşluğuna baxan tərəfə) tətbiq edilən bu incə metal qat (adətən gümüş əsaslı) istilik şüalarını əks etdirir.

 

Qışda fəaliyyəti: Otaqdakı isitmə sistemlərindən yayılan istilik şüaları bu örtüyə dəyir və bayıra çıxmaq əvəzinə yenidən otağa əks olunur. Nəticədə istilik itkisi minimuma enir.

 

2. Günəşdən mühafizə (solar control)

Yayda Fəaliyyəti: Eyni örtük günəşdən gələn qısa dalğalı infraqırmızı şüaların (istiliyin) əksəriyyətini kəsir və ya əks etdirir. Bu, yayın isti aylarında otağın həddindən artıq qızmasının qarşısını alır.

 

3. Boşluğun doldurulması

Şüşə qatları arasındakı hava boşluğu adətən yaxşı izolyasiya üçün arqon qazı ilə doldurulur. Bu qaz istilik ötürülməsini azaldır və paketin termal effektivliyini artırır.

 

 

Boyalı şüşələr
Boyalı şüşələr

Boyalı şüşələr, fasad və interyerdə həm funksional, həm də dekorativ element kimi geniş istifadə sahəsinə malikdir. Müxtəlif rəng seçimləri ilə fərqli ölçülərdə və istənilən növ şüşə məhsullarını Emaye boya ilə rəngləmək mümkündür.


Boyalı şüşələr tək qat, çoxlaylı laminat şüşələr, eləcə də şüşəpaketlər kimi istehsal edilə bilər.


Boyalı şüşələr yüksək termiki və mexaniki dayanıqlığa malik olur. Proses zamanı boya səthi hamar və parlaq qalır, solma və cızılma riski minimuma endirilir. 


WhatsApp